近年不時有新聞講述香港藝人北上拍劇，拍延禧攻略嘅佘詩曼就係一個好例子，相信返内地搵錢嘅藝人只會有增無減，可見内地娛樂產業市場需求很大。雖然以往較多侵權嘅負面新聞，但係今日中國政府開始致力打擊侵權行爲，喺四月就召開左網絡版權保護大會，下定執法嘅決心。另一邊廂，對於娛樂事業的投資就越來越大，娛樂產業將會有更多的製作，可以預料會成爲另一個影視大國。咁對香港同日本究竟係好事定壞事？
＜中國娛樂產業蓬勃發展＞
隨著中國打擊盜版，娛樂事業包括電影、動畫、音樂、電視劇、電子遊戲等的市場開始蓬勃起嚟，最近有分析指中國市場娛樂估值已經增加至約700億港元。特別係2015年開始，内地就購買左好多外國嘅製作，仲會同外國嘅電視台共同製作，令無論係香港日本美國嘅製作商都意識到呢個市場嘅潛質同重要性。有見及此有好多外國片商都會同中國公司合作，甚至設立據點，嚟滿足中國龐大市場嘅需要。係2017年，澳洲嘅Village Roadshow Entertainment，美中合資WME/IMG同中資嘅完美世界影視，三方合資成完美威秀娛樂集團。呢個舉動顯示中國市場的重要性，吾少立足係荷李活製作商都想在中國分一杯羹。
＜中國市場對香港娛樂產業嚟講係曙光定夢魘？＞
CEPA中文簡稱「更緊密經貿關係的安排」，原來都有針對香港視聽娛樂產業嘅措施。首先香港拍攝嘅電影，經審查後吾受進口配額限制，即係比起外國製作商有先天既優勢，而且中港合拍影片經審批後，可以用廣東話拍攝，喺香港進行後期制作，仍然視爲國產電影，而作為國產影片當然唔受進口數量同分賬限制，所以帶俾香港片商，演員，服務提供者更多機會同經濟優勢。另外針對電視劇亦有相關安排，中港合拍電視劇會被視爲國產，可較自由咁喺龐大嘅内地電視市場播放。聽到呢度好容易會聯想到TVB，最近『宮心計2之深宮計』就係中港合拍嘅例子，TVB表明會增加與内地合拍劇嘅比例，睇到數字就知點解D高層咁積極拓展内地市場，TVB上半年純利增長18%，効果顯著，和内地合拍勢在必行，要點樣兼顧内地市場之餘又能不失”港味”，令本地觀衆繼續睇，相信係未來最大嘅難題。
＜中國市場對日本動漫產業伸出嘅係援手定魔爪？＞
之後講埋日本，童年嘅你同我都可能有係内地網站睇過非法上載動漫，諗都冇諗過今日内地呢D網站已經好快俾正規嘅網站取締咗，攞正牌，俾足版權費，俾内地人民收睇最新嘅動漫同劇集等等。當然呢D「爆買」現象(本來係日本人形容中國遊客在日本揮金如土嘅行爲)對日本嚟講無疑係帶左更多經濟上嘅支持，令製作有更多經費。同時，有個好得意嘅現象，日本動漫『靈劍山』原著源自中國網絡小説，而中國係呢套動畫製作上亦有出資，有人發現其實之所以中資會肯花錢投資，目的係將有日本製作質素嘅動漫逆輸入到中國，而係日本播放只係副產品。咁嘅現象究竟係促使日本動漫產業迅速成長，定係因爲要配合中方投資者而令作品變質，真係未知知數。
＜終結＞
係全球化下，文化嘅融合同壟斷時有發生，娛樂產業亦都吾例外，所以由中國市場帶嚟嘅係危定機仍然要睇個別企業點樣部署應對。可以肯定嘅要打進内地市場需要龐大嘅資金，即係先要有穩健既本地業務支持，想知TYA可以點樣幫到你？歡迎嚟搵我哋傾下。